Kelem güýz aýlary ýetişýän, witaminlere baý gök önümleriň biridir. Onuň düzümindäki askorbin kislotasy limondakydan ýa-da mandarindäkiden hem köpdür. Kelemiň düzüminde A, C we K witaminleri köp bolany üçin, ol immunitetimizi güýçlendirýär. Eger-de adam her gün kelem iýse, onda infarktyň we insultyň (beýnä gan inmegi) ýüze çykmak howpy görnetin peselýär. Kelemiň görnüşleriniň iň peýdalysy ak kelemdir. Ondan soň brokkoli we reňkli kelem peýdalydyr.
- Göwrelilikde toksikozadan (aş saýlama) gutulmak üçin, duza ýatyrylan kelemiň suwuny içmek maslahat berilýär.
- Kelem dowamly iýlen ýagdaýynda melanom (ten keseli), göwüs, pankreatit ýaly rak keselleriniň görnüşleriniň we prostata keseliniň döremeginiň, şeýle hem aşa semremegiň we diabet (süýji) keseliniň hem öňüni alýar.
- Düzümindäki antioksidantlaryň köplügi göz kesellerine garşy peýdalydyr.
- Kelemiň suwy käşiriň suwy bilen garylyp içilse, diş eti bilen baglanyşykly näsazlyklara kömek edýär.
- Düzüminde kaliý elementi bar bolanlygy sebäpli, gan basyşyny kadaly saklaýar.
- Aşgazany we içegeleri dürli kesellerden goraýar we süňkleri güýçlendirýär.
- Göwreli aýallara kelemi dowamly iýmek maslahat berilmeýär.
- Zob keselliler kelem iýmek islese, ilki lukman bilen maslahatlaşmaly.
- Içgeçmeden kösenýänlere kelemiň suwuny içmek maslahat berilmeýär.
Internet maglumatlary esasynda taýýarlan
Kätip Myradow
