Ene saňa ýeke gezek berilýär,
Söý eneňi, söýmegiňi dowam et.
Enäniň gadryny bilmeýän bolsaň,
Enesini ýitirenden sowal et.
Ene ýüregi
Şol gün işden çykanymda öýlänçi geldi-de, dünýäni suw-sil etdi. Üst-başym mazaly ezilipdi. Öýe girenimden doganlarym: “Saýawanyňy ýadyňdan çykarmaly däl ekeniň” diýip igendiler. Garry enem we atam hem olaryň hörpünden gopdy: “Ýagyş diňýänçä garaşyp, soňra ýola çykaýmaly ekeniň” diýdiler. Kakamam öz gezeginde igesini sürtüp galdy: “Ýagşa ezilip, dümewlärsiň welin, bu bolşuň ýaramazlygyňa şonda düşünip galarsyň” diýdi.
Şol wagt ejem ýanyma geldi we suwy sarkyp duran saçlarymy sypalap: “Oglum öýe gelýänçä ýagyş birazrak garaşaýmaly dälmi?” diýdi.
Ine, ene ýüregi şeýle bolýär.
Çeşme: “Halallyk kyssalary” kitaby