Türkmenistanyň halk artisti Atageldi Garýagdyýew 1952-nji ýylyň 23-nji martynda dünýä inýär. Ol birnäçe türkmen şahyrlarynyň, esasanam, Gurbannazar Ezizowyň şygyrlaryny aýdym edip, ussatlyk bilen ýerine ýetirýär.
Iki agaç
Agaç agaja bakar,
Arasyndan suw akar.
Akar üçin parhy ýok, —
Ikisinem deň ýakar.
Ikisi-de deň öser,
Başyn sypap ýel öser.
Daş-töwerek guwanar:
«Ösüşleri ne ýeser!»
Olar miwe getirer,
Emma gamly oturar,
«Oň kenary gowy!» diýp,
Aglar, ömrün ötürer.
Akar akar-da gider.
Baryp bir teşnä ýeter.
«Haýsy kenar gowy?» diýp,
Agaçlar pikir eder.
Örüsi ýaýrap gepiň,
Wagtyny alar köpüň,
Çep kenar saga zardyr,
Sagam zarydyr çepiň.